KEKSO

KEKSO

KEKSO estas la mallongigo de Kreema Esperanto-KurSO. Ĝi estas eta renkontiĝo, kiu donu ŝancon al junuloj, kiuj interesiĝas pri Esperanto, ekkoni aliajn junulojn, kiuj volas scii pli pri la internacia lingvo. Pro tio dum KEKSO okazas kurso por komencantoj. Sed ankaŭ membroj de la Germana Esperanto-Junularo renkontiĝas dum KEKSO, kreas atelierojn kaj realigas etajn projektojn ankaŭ kun ĵus akiritaj konoj aŭ kapabloj. Eble ni registras podkaston, rakonton, aŭ eĉ filmeton. Ankaŭ teatraĵojn eblas elpensi, ĉu kun kekso kiel ĉefrolulo?

© Logotipo kreita de Jonny M

Kun ĉirkaŭ 10-20 partoprenantoj la KEKSO estas unu de la etaj renkontoĝoj, do perfekte por la unuaj paŝoj en esperantujon.

Amuziĝo plej gravas! Kune ni ludas kaj kuiras, faras muziukon ktp. La bunta partoprenantaro tiel pli bone interkonatiĝas.

Vi ankoraŭ ne partoprenis en Esperanto-renkontiĝo aŭ venas el alia lando ol Germanio? Do ni invitas vin senpage partopreni! Membroj de GEJ normale pagas 30€ kaj nemembroj el Germanio 45€ por ĉeesta semajnfino.

La organizadon de KEKSO transprenas GEJ-membroj mem. Minimume dofoje jare, en semajnfinoj en printempo kaj aŭtuno, ĝi okazas en diversaj germanaj urboj. Se vi volas, ke KEKSO okazu en via urbo, kontaktu nin per la formularo.

Kaj kie okazos la sekva KEKSO, vi vidos ĉi-sube.

Sekvas reta KEKSO

Kara novulo, kara membro de GEJ,

ni kore invitas vin al nia unua reta KEKSO! Ĝi okazos en la 8-a kaj 9-a de majo 2021 po inter la 14-a kaj 17-a horo kaj provizos keklajn interesajn programerojn kaj etan surprizon por vi. Pro tio ni ĉi-foje bezonos vian adreson.

Pri la komforto (ĉu aermatraco, tabullito aŭ lanugoj) kaj la manĝprovizo (vegane, vegetare, kunviande) vi mem decidos, ĉar nur virtuale ni estos en la sama ĉambro.

Certaj programeroj estas speciale por novuloj, kelkaj por spertuloj, sed ĝenerale ni volas, ke la grupo kune amuziĝu.

Ĉi-foje la KEKSO estas senpaga por ĉiuj partoprenantoj. Se ĝi plaĉis al vi, ni tre ĝojus pri eta teksto kun foto de vi, kiun ni povas publikigi en nia membrogazeto kaj eble eĉ en nia retejo.

Por sperti la ĝustan KEKSO-etoson, nepras havi keksojn kaj fruktojn por la evento.

Se vi volas aliĝi, plenigu la aliĝilon laŭeble ĝis fino de aprilo. Por ĝustatempaj aliĝintoj estos eta surprizo. Por via plej bona amuziĝo vi povas skribi al ni, kion vi volas fari dum KEKSO. Ĉu vi eble eĉ mem pretas prizorgi programeron? Mojose, ni ĝojatendas viajn ideojn!

Unu semajno antaŭ KEKSO vi ricevos la lastajn informojn kaj la alirdatumojn per retpoŝto. Do ĝis la reta KEKSO!

Ek al la aliĝilo!